KOZI YA MAKOCHA WA LESENI C YA WIKI MBIKI YAZINDULIWA NA DRFA NCHINI

KUJISHINDIA MAMILIONI KATIKA DROO HII BONYEZA HAPA CHINI UJIUNGE KATIKA BAHATI NASIBU,NA ILI UIBUKE MSHINDI HAKIKISHA KILA SIKU WABONYEZA PICHA CHINI YA MANENO HAYA;

Kocha msaidizi wa Simba SC akiwa na makocha wengine wanaopata mafunzo ya ukocha ya leseni C yaliyoandaliwa na DRFA ikishirikiana na TFF wakiwa kwenye uwanja wa Azam Complex kushuhudia mchezo kati ya Azam FC dhidi ya Tanzania Prison

Chama cha soka mkoa wa Dar es salaam, DRFA kwa kushirikiana na shirikisho la soka nchini TFF, jana imezindua rasmi kozi ya ukocha wa leseni C’ inayotambuliwa na shirikisho la kandanda barani afrika CAF.

Kozi hiyo ya wiki mbili inaendeshwa na mkufunzi, Salum Madadi ambaye ni mkurugenzi wa ufundi wa TFF, ikiwa na jumla ya washiriki 31 wengi wao wakiwemo makocha wa vilabu vya ligi daraja la pili, daraja la kwanza na ligi kuu.

Miongoni mwa washiriki hao ni pamoja na kocha msaidizi wa Simba, Suleiman Matola, katibu mkuu wa zamani wa Simba Muhina Kaduguda, kocha wa Ruvu Shooting Tom Olaba, kocha wa makipa wa Yanga Juma Pondamali, nyota wa zamani wa Taifa Stars, Ally Mayai na Peter Tino.

Mgeni rasmi katika ufunguzi wa kozi hiyo alikuwa ni mjumbe wa kamati ya utendaji ya TFF, Msafiri Mgoyi, ambaye amewapongeza washiriki kwa uamuzi wao wa kutaka kujiongezea maarifa ya ufundishaji wa soka ,kwa kuwa Tanzania inakabiliwa na upungufu mkubwa wa makocha ikilinganishwa na mataifa mengine ya Afrika ambayo yamepiga hatua kisoka.

Aidha amesema TFF imeweka mpango maalumu wa kutunza kumbukumbu za makocha hao na wengine watakaopatikana, pamoja na kufuatilia kazi zao kwenye vilabu mbalimbali watakavyofundisha ili iwe rahisi kuwatengenezea mazingira mazuri ya kufanya kazi zao.

Naye mwenyekiti wa DRFA, Almasi Kasongo wakati akimkaribisha mgeni rasmi, amesema chama chake kinataraji pia kuendesha kozi za madaktari pamoja na kuendeleza mpango wake wa kuinua soka la vijana, ili taifa liwe na wachezaji wenye uwezo wa kushindana na mataifa mengine.

Kasongo amesema licha ya chama chake kuwa na mikakati ya kuhakikisha soka la mkoa wa Dar es Salaam na nchi kwa ujumla linanyanyuka, lakini bado nguvu kumbwa inahitajika kutoka TFF pamoja na wadau wenye mapenzi mema na mpira wa nchi hii. 

IMETOLEWA NA IDARA YA HABARI NA MAWASILIANO YA DRFA,

Omary Katanga,

Mkuu wa habari na mawasiliano DRFA.

KUJIUNGA NA KINYANG'ANYIRO CHA PIKIPIKI AINA YA BOXER BONYEZA PICHA CHINI YA MANENO HAYA NA UIBUKE MSHINDI,BONYEZA MARA NYINGI UWEZAVYO KUIBUKA MSHINDI;

Filed Under: LOCAL NEWS, SPORTS on Sunday, September 13, 2015