TAZAMA JINSI BUSUNGU NA MWASHIUYA WALIVYOIPA YANGA USHINDI WA KWANZA KAGAME CUP

KUJISHINDIA MAMILIONI KATIKA DROO HII BONYEZA HAPA CHINI UJIUNGE KATIKA BAHATI NASIBU,NA ILI UIBUKE MSHINDI HAKIKISHA KILA SIKU WABONYEZA PICHA CHINI YA MANENO HAYA;

                   Mshambuliaji wa Yanga Malimi Busungu akishangilia goli lake

Mshambuliaji mpya aliyesajiliwa na klabu ya Yanga akitokea Mgambo JKT ya Tanga, Malimi Busungu, leo amefanikiwa kufunga magoli mawili kati ya matatu wakati Yanga ikicheza dhidi ya Telecom ya Djibouti kwenye mchezo wa Kundi A michuano ya Kagame Cup na kuifanya Yanga kuandika ushindi wa kwanza kwenye michuano hiyo inayozidi kuchukua sura mpya.

Busungu alianza kufunga goli la kwanza dakika ya 26 kipindi cha kwanza bada ya mashambulizi kadhaa hatimaye akafanikiwa kuukwambisha mpira kambani. 

Kitu kilichowashangaza mashabiki wengi wa Yanga ni pale timu hiyo ilipopata penati mbili lakini wapigaji walishindwa kutumia nafasi hizo kufunga magoli.

Haruna Niyonzima akimtoka mlinzi wa Telecom Warsama Ibrahim Aden

Amis Tambwe alikosa penati ya kwanza dakika ya 36 baada ya Simon Msuva kuangushwa kwenye eneo la hatari lakini Tambwe alipiga mpira nje. Dakika ya 45 Yanga ilipata penati baada ya mlinzi wa Telecom kuunawa mpira kwenye eneo la hatari lakini Simon Msuva mfungaji bora na mchezaji bora wa ligi msimu uliopita, penati yake ilipanguiliwa na golikipa wa Telecom Nzokira Jeef.

Kipindi cha kwanza kilimalizika Yanga wakiwa mbele kwa goli 1-0 kitu ambacho kiliwashangaza wengi kwasababu walikuwa wakiamini Telecom ni timu dhaifu kutokana na kufungwa goli 5-0 na Khartoum ya Sudan.

Wachezaji wa Yanga wakimpongeza Malimi Busungu baada ya kufunga goli la kwanza

Kipindi cha pili kocha wa Yanga Van Pluijm alifanya mabadiliko kwa kumtoa Simon Msuva na nafasi yake ikachukuliwa na Godfrey Mwashiuya wakati Amis Tambwe nafasi yake ilichukuliwa na Kpah Sherman na Deus Kaseke alitolewa kumpisha Andrey Coutinho.

Dakika ya 68 Busungu alifunga goli la pili kabla ya Mwashiuya hajamalizia bao la tatu na lamwisho dakika ya 74 akipiga shuti kali lililogonga mtambaa panya kisha kumgonga mlinda mlango na kutinga nyavuni.

Baada ya mchezo kumalizika, Malimi Busungu alitangazwa kuwa nyota wa mchezo huo na kukabidhiwa king’amuzi na kituo cha television cha DSTV.

Kwa matokeo hayo, Khartoum ndio wanaongoza kundi A wakiwa na pointi 6, wakifuatiwa na Gor Mahia ambayo inapointi sita pia lakini wanatofautiana magoli ya kufunga na kufungwa. Yanga wapo nafasi ya tatu wakiwa na pointi tatu sawa na KMKM lakini nao wanatofautihwa kwa maoli na Telecom ndio wanashika mkia kwenye kundi hilo wakiwa hawajapata ponti hata moja.

KUJIUNGA NA KINYANG'ANYIRO CHA PIKIPIKI AINA YA BOXER BONYEZA PICHA CHINI YA MANENO HAYA NA UIBUKE MSHINDI,BONYEZA MARA NYINGI UWEZAVYO KUIBUKA MSHINDI;

Filed Under: LOCAL NEWS, SPORTS on Thursday, July 23, 2015